Practical Skill Development

സിലബസ് കാണാതെ പഠിച്ചാൽ പോരാ, ഇൻഡസ്ട്രി ചോദിക്കുന്നത് ഈ 3 കാര്യങ്ങളാണ്! (Part 1) ഒരു വർഷത്തെ പ്രവൃത്തിപരിചയമുള്ള സമയത്ത് ഞാൻ Cognizant-ൽ ഇന്റർവ്യൂവിന് പോയ ഒരു സംഭവം ഇപ്പോഴും ഓർമ്മയുണ്ട്. ആദ്യ റൗണ്ടുകളെല്ലാം കഴിഞ്ഞ് ഫൈനൽ റൗണ്ടിലെത്തി. ഉച്ചഭക്ഷണത്തിന് ശേഷമുള്ള സമയമാണ്, ഇന്റർവ്യൂവർ നല്ല ക്ഷീണത്തിലായിരുന്നു. സ്വയം പരിചയപ്പെടുത്താൻ പറഞ്ഞ ശേഷം അദ്ദേഹം എന്നോട് ചോദിച്ച ആദ്യ ചോദ്യം ഇതായിരുന്നു: "What is Java Virtual Machine (JVM)?" ഞാൻ ശരിക്കും പതറിപ്പോയി. പഠിക്കുന്ന കാലത്ത് 'JVM എന്നാൽ ജാവയുടെ ഭാഗമായ ഒരു മെക്കാനിസം' എന്നല്ലാതെ, അത് ഇന്റേണലായി എങ്ങനെ പ്രവർത്തിക്കുന്നുവെന്നോ അതിന്റെ പ്രാധാന്യമെന്തെന്നോ ആഴത്തിൽ ചിന്തിച്ചിരുന്നില്ല. ഏറ്റവും അടിസ്ഥാനപരമായ ആ ഒരൊറ്റ ചോദ്യത്തിൽ ആ ഇന്റർവ്യൂ അവിടെ അവസാനിച്ചു. വലിയ വലിയ അൽഗോരിതങ്ങൾ പഠിക്കുന്നതിന് മുൻപ്, നമ്മൾ ഉപയോഗിക്കുന്ന ടൂളിന്റെ അടിത്തറ കൃത്യമായിരിക്കണം എന്ന വലിയൊരു പാഠമാണ് അന്ന് പഠിച്ചത്. കോളേജിൽ ആദ്യ ദിവസം ക്ലാസിലേക്ക് കയറുന്ന ഒരു ഐടി വിദ്യാർത്ഥി മനസ്സിൽ ഉറപ്പിക്കേണ്ട ഒരു കാര്യമുണ്ട്: "എക്സാം ജയിക്കാനുള്ള പഠനമല്ല എന്നെ ഒരു സോഫ്റ്റ്‌വെയർ എൻജിനീയറാക്കുന്നത്." ഇൻഡസ്ട്രിയും കോളേജ് സിലബസും തമ്മിലുള്ള അകലം കുറയ്ക്കാൻ ഒന്നാം സെമസ്റ്റർ മുതൽ വിദ്യാർത്ഥികൾ ശ്രദ്ധിക്കേണ്ട ഏറ്റവും പ്രധാനപ്പെട്ട കാര്യമാണ് പ്രാക്ടിക്കൽ സ്കിൽ ഡെവലപ്‌മെന്റ്. 1. കോഡിങ് അടിത്തറ ശക്തമാക്കുക - ഏതെങ്കിലും ഒരു ലാംഗ്വേജ് (Python അല്ലെങ്കിൽ Java) തിരഞ്ഞെടുത്ത് അതിന്റെ അടിസ്ഥാന തത്വങ്ങൾ കൃത്യമായി പഠിക്കുക. തിയറി ഡെഫനിഷനുകൾ മനഃപാഠമാക്കുന്നതിന് പകരം, ചെറിയ പ്രോബ്ലം ലോജിക്കുകൾ സ്വന്തമായി കോഡ് ചെയ്തു പഠിക്കുകയാണ് വേണ്ടത്. ഒരു കോഡ് കമ്പ്യൂട്ടറിന്റെ മെമ്മറിയിൽ എങ്ങനെയാണ് പ്രവർത്തിക്കുന്നത് എന്ന് ആഴത്തിൽ മനസ്സിലാക്കണം. ഇതൊരു ചെറിയ കാര്യമല്ല. ഇന്നത്തെ വിദ്യാർത്ഥികളിൽ പലരും 'എല്ലാം AI ചെയ്തോളും' എന്ന അമിത ആത്മവിശ്വാസത്തിൽ Java, Python തുടങ്ങിയ ലാംഗ്വേജുകളുടെ അടിസ്ഥാന ഫണ്ടമെന്റലുകൾ ആഴത്തിൽ പഠിക്കുന്നത് പാടേ നിർത്തിയിരിക്കുകയാണ്. എന്നാൽ യാഥാർത്ഥ്യം അതല്ല; ഇന്നും ടെക്നിക്കൽ ഇന്റർവ്യൂകളിൽ കമ്പനികൾ അരിച്ചുപെറുക്കി ചോദിക്കുന്നത് ഈ അടിസ്ഥാന കാര്യങ്ങൾ തന്നെയാണ്. കോഡ് ജനറേറ്റ് ചെയ്യാൻ എഐക്ക് അറിയാമെങ്കിലും, അതിന് പിന്നിലെ ലോജിക്കും ആർക്കിടെക്ചറും നിങ്ങൾക്ക് വ്യക്തമല്ലെങ്കിൽ ആ ഇന്റർവ്യൂ അവിടെത്തന്നെ തീരും. 2. Mini Projects - അവസാന സെമസ്റ്ററിലെ മെയിൻ പ്രോജക്റ്റിനായി അവസാന നിമിഷം വരെ കാത്തിരിക്കരുത്. ഓരോ സെമസ്റ്ററിലും പഠിക്കുന്ന കോൺസെപ്റ്റുകൾ വെച്ച് ചെറിയ വെബ്‌സൈറ്റുകളോ മൊബൈൽ ആപ്പുകളോ യൂട്ടിലിറ്റി ടൂളുകളോ സ്വന്തമായി ചെയ്തു നോക്കുക. ഒരു ലോഗിൻ പേജോ, ഒരു ടു-ഡൂ ലിസ്റ്റോ എന്തുമാകട്ടെ, സ്വന്തമായി ഉണ്ടാക്കി നോക്കുമ്പോഴാണ് യഥാർത്ഥ സംശയങ്ങളും അനുഭവങ്ങളും ഉണ്ടാവുക. 3. Git & GitHub നിർബന്ധമാക്കുക - കോളേജിൽ ലാബ് റെക്കോർഡുകൾ എഴുതുന്നതുപോലെ പ്രധാനമാണ് കോഡുകൾ Git & GitHub വഴി സൂക്ഷിക്കുന്നത്. കൂട്ടുകാരുമായി ചേർന്ന് ഒരേ പ്രോജക്റ്റിൽ എങ്ങനെ കോഡ് ഷെയർ ചെയ്ത് വർക്ക് ചെയ്യാം എന്ന് ആദ്യമേ ശീലിക്കുക. ഇന്നത്തെ കാലത്ത് ഒരു ഫ്രെഷറുടെ വൃത്തിയുള്ള GitHub പ്രൊഫൈൽ എന്നത് നാല് പേജുള്ള ബയോഡാറ്റയേക്കാൾ പത്തിരട്ടി മൂല്യമുള്ള ഒന്നാണ്. അടുത്ത പോസ്റ്റിൽ, Industry Exposure നിങ്ങളുടെ കോളേജ് പഠനകാലത്തോ ഇന്റർവ്യൂവിലോ പറ്റിയ ഇത്തരം അബദ്ധങ്ങൾ താഴെ കമന്റിൽ പങ്കുവെക്കുമല്ലോ. ഐടി വിദ്യാർത്ഥികൾക്കായി ഈ പോസ്റ്റ് ഷെയർ ചെയ്യാനും മറക്കരുത്. Follow for more career updates